"يا حب صامت "
يا حب صامت كيف رح واسيك
بهمسي بسكوني بلهفتي بناجيك
بتوعى عا آهي بصبحك مهموم
بتسهر بشعري بحيرتي بمسيك
يا حب صامت كيف رح واسيك
ياحب صامت لذتك بالصمت
تهت بعصارة صمتك تألمت
بشكي ألك شو باك ما بتحكي
بشكي لغيرك شكوتي بتشكي
عايش بروحي وبس مش ملكي
بدور عليك كثير ما بلاقيك
يا حب صامت كيف رح واسيك
بتعرف بصمتك ضاع تفكيري
وبهجة شبابي ذايبه حيري
عللي بظنك جال ما بتبوح
لو ردت أشكي الهم مش مسموح
ما في دوا بالعشق يشفي روح
حملت ألمها وعايشة تداويك
ياحب صامت كيف رح واسيك
لوحدي تاركني بليلك وموجوع
وجوع النفس للحب أطهر جوع
الجايع ما ظنو بيطعم الجياع
الجايع عا جوعو بتاكلو الأوجاع
رجعلي تا إشفي هم قلبي الجاع
نسكنت روحي مشاعري بتحييك
يا حب صامت كيف رح واسيك
دهدكتني وعجنتني أسرار
تعبت حياتي وما أنتهى المشوار
لبيحب صعب يروق أو يرتاح
وبيزيد همو هم سرو نباح
ولوما بصمتك عيش عمري راح
ما كنت فيي عشت تا عيش فيك
ياحب صامت كيف رح واسيك
صمتك رسملي دروب مجهولي
وعارف دوايي وثورة ميولي
بشجرة خيالي وعيت أحلى كتاب
معشعش بذاتي مواسم وأطياب
طيفك أسرني، هدني وما تاب
لا قدرت عنك توب أو ألغيك
يا حب صامت كيف رح واسيك
صامت ! بتعرف قصتي شوباك
تركني بعذابي عاشق وإهواك
صمت العشق بيذوبك أحيان
العايش بقلبي بعد مش دريان
بشوفو إذا ما قلت هوي لكان
وهوي لي باقي بلذة الحرمان
بفضل ما يدري بعشقو منشان
إغفى عا ذكرو وفيق بالتحنان
وبعدك يا حب بتلومني عشقان
كاسك شربني وما قدرت إرويك
يا حب صامت كيف رح واسيك

همس الوحي
يقظة فكر
وسام يوسف زيدان
الجذور مجلة الثقافة العربية في أستراليا
تفخر اسرة تحرير مجلة الجذور أن تقدم للقارئ العربي أينما كان نتاجاً أدبياً وفنياً ً لعدد من أدباء وشعراء المهجر الأسترالي الذين أغنوا الساحة الإغترابية بعطاءاتهم الفكرية والفنية والشعرية، وكذلك الأدب الإغترابي في عالم الترحال في كافة أرجاء المعمورة.
وبهذا عزيزنا القارئ نعتقد أن بعضاً من حلمنا الذي كنا قد وضعناه نصب أعيننا منذ ولادة جذورنا هذه في لمِّ شمل ثقافي، لقاعدة أدبية، أو لرابطة ثقافية عربية اغترابيه..
وها نحن في بداية الطريق …..
اسرة الجذور تتمنى منك عزيزي القارئ زيارة مواقعنا على العناوين التالية:
www.algethour.com
ويمكنكم مراسلتنا على العنوان التالي:
algethour@algethour.com
رسالتنا هي المحبة فمن قرأها جيدا وصلنا اليه وتابعنا معا مشوار الخير والعطاء.
‏نأمل تعاونكم البناء ومساهماتكم المبدعة.
أسرة الجذور
وسام يوسف زيدان
الشاعر في سطور
شاعر لبناني يعيش في أستراليا .
من ذاكرة المسيرة : لوحات للفنان التشكيلي فؤاد تومايان
مؤسسة الجذور الثقافية - ملبورن - أستراليا  © 2020                     Copyright: https://www.algethour.com                       
free counter
>